Hugo Chavez komandantearen heriotzaren III urtemugan
[Joakin Arregi Goenaga ‘Txe’]
Goizeko bostetan esna
buruari itzulika.
Sarritan bezala Hugo
gaur zaitugu irudika.
Martxoak bost hura berriz
nola zaigun errepika.
Gure txoko intimoan
zurekin geneukan zita.
Zure hiztegian dago
iraultzaren gramatika.
Formetan ta edukitan
du gizatiar logika.
Zer zinen eta zer zaren
nahi genuen aldarrika.
Gure arteko maitasuna
agortzen ez dena baita.
II
Martxoaren bost agendan
ta berriro zu gogora.
Pentsamenduz nola ez ba
hurbildu zure ondora.
Betiko atxiki zinen
gure izate osora.
Horren baitan murgilduta
pasako zaigu denbora.
Nahiz ta ezin den jakin zer
gertatuko den gerora.
Zuk emandakoa Hugo
ez da egun bateko lora.
“Chavismoari “ arnasa
ta jarraitzeko ganora.
Bataila denetan zure
itzala hor egongo da.
